Sumqayıt Dövlət Texniki Kollecində Xocalı soyqırımının 23-cü ildönümü ilə bağlı tədbir keçirilib. Tədbir Xocalı soyqırımı şəhidlərinin xatirəsini bir dəqiqəlik sükutla yad edilməsi ilə başlayıb. Tədbiri kollecin direktoru Mətanət Pirquliyeva açıq elan edərək, XX əsrin ən dəhşətli və qanlı faciələrindən biri olan Xocalı soyqırımı barədə tədbir iştirakçılarına məlumat verib. O, Ermənistan silahlı qüvvələri tərəfindən Xocalı şəhərində törədilən amansız cinayətlər, 613 dinc sakinin amansızcasına qətlə yetirilməsi, yüzlərlə günahsız azərbaycanlının şikəst olması və əsir götürülməsi, soyqırım zamanı törədilmiş digər vəhşiliklər barədə ətraflı çıxış edib. Ermənilərin azərbaycanlılara qarşı həyata keçirdiyi dəhşətli və faciəli Xocalı soyqırımı, törədilən ağır qırğının nəticələri və tarixi-mədəni abidələrimizin məhv edilməsini dünya ictimaiyyətinin diqqətinə çatdırılması və tanıdılması istiqamətində müxtəlif ölkələrdə keçirilən tədbirlər və aksiyaların təqdirəlayiq olduğu qeyd olunub.
Tədbirdə digər çıxış edənlər Xocalı faciəsinin Azərbaycan tarixində unudulmaz, dəhşətli və qanlı hadisələrdən biri olduğundan, Ermənistan tərəfindən ölkəmizə və xalqımıza qarşı yürüdülən işğalçılıq və etnik təmizləmə siyasətindən, onun ağır nəticələrindən danışıblar və bu faciənin millətin qan yaddaşında əbədi qalacağını bir daha vurğulayıblar..
Xeberle.com tədbirdən şəkilmiş fotoları təqdim edir:

Çəkdi: Kamran Kaızmzadə