Daha öncə verilmiş sığorta ödənişi hazırkı məbləğə uyğun hesablanıbsa, bu halda vətəndaşa hər hansısa fərq məbləği və ya sığorta ödənişinin edilməsi nəzərdə tutulmur.
Xeberle.com xəbər verir ki, bunu Dövlət Sosial Müdafiə Fondunun İdarə Heyətinin sədri Himalay Məmişov "Sosial saat”da bildirib.
H.Məmişov əvvəl sığorta ödənişi almış şəxslərin hansı halda yenidən ödəniş ala biləcəyinə aydınlıq gətirib.
Qurum rəmisi deyib ki, o halda vətəndaşa birbaşa ödənişin verilməsi nəzərdə tutulur ki, həmin şəxs "Hərbi qulluqçuların dövlət icbari şəxsi sığortası haqqında" Qanunda müəyyən edilmiş məbləğlərdə və ya həmin məbləğdən hesablanmış məbləğdə sığorta ödənişi almasın:
"Məsələn, vərəsə 8800 manat məbləğindən hesablanmaqla digər vərəsələr arasında bölgü əsasında 2000 manat sığorta ödənişi alıbsa, bu halda şəxsə yenidən sığorta ödənişinin verilməsi nəzərdə tutulmur. Amma vərəsə və ya şəxsin özü vaxtilə qanunda nəzərdə tutulmuş sığorta məbləğinin, şərti desəm 660 manat olduğu vaxtlarda, bu ödənişi alıbsa, bu halda həmin şəxslərə birdəfəlik ödənişin verilməsi nəzərdə tutulub. Bu zaman birdəfəlik ödəniş fərq formasında deyil, tam məbləğdə həmin şəxslərə ödəniləcək”.
Xəbərdən istifadə edərkən istinad etmək vacibdir.
