Təhsilin İnkişafı Fondu ölkə ərazisində və xaricdə yaşayan fiziki və hüquqi şəxslərə fondun saytından istifadə etməklə təhsil üçün ianələr edilməsinə imkan yaradacaq.
Xeberle.com xəbər verir ki, bunu elm və təhsil nazirinin müşaviri, Təhsilin İnkişafı Fondunun sədri Elnur Nəsibov "Media və təhsil dialoqu" mövzusunda keçirilən təlim-seminarda bildirib.
Qurum rəsmisi deyib ki, öncə Təhsilin İnkişafı Fonduna, ikincisi hər hansı konkret tematik layihə üçün (məsələn, inklüziv təhsil, qızların təhsili, STEAM, infrastruktur və s.) daha sonra isə öz məktəbinə ianə etmək yolu ilə mümkündür:
"İanələri edən fiziki və hüquqi şəxslər açıq və ya anonim şəkildə qala bilər. 1000 manat və aşağı məbləğdə ianə edənlərə elektron sertifikat, 1000 manat və daha artıq məbləğdə ianə edənlərə isə TİF ofisinə dəvət olunmaqla kağız sertifikat təqdim edilə bilər. Qeyri-maddi vəsaitlə ianə edən fiziki və ya hüquqi şəxslərə tərəfdaş sertifikatları təqdim edilə bilər".
Xəbərdən istifadə edərkən istinad etmək vacibdir.
