Sumqayıt Regional Mədəniyyət İdarəsinə tabeli Xızı rayon Mərkəzləşdirilmiş Kitabxana Sisteminin əməkdaşları Vətən müharibəsində qəhrəmancasına şəhid olan Xüsusi Təyinatlı Qüvvələrin kiçik giziri Elnur Fəxrəddin oğlu Ağaəhmədovun ailəsini ziyarət ediblər.
İdarədən bildirilib ki, şəhid Elnurun foto və əşyalarına, hərbi xidməti zamanı uğurlarını əks etdirən fəxri fərmanlarına, medallarına baxılıb, onun döyüş yolu haqqında söhbət açılıb.
Qeyd edilib iki, E.Ağaəhmədov Vətən müharibəsi zamanı Füzulinin, Cəbrayılın və Xocavəndin azadlığı uğrunda gedən döyüşlərdə iştirak edib. Oktyabrın 26-da Xocavənd döyüşləri zamanı Qırmızı Bazar istiqamətində qəhrəmancasına şəhid olub. "Vətən uğrunda”, "Cəbrayılın azad olunmasına görə”, "Xocavəndin azad olunmasına görə”, "Kəlbəcərin azad olunmasına görə”, "İgidliyə görə” medalları və "Azərbaycan Bayrağı” ordeni ilə təltif edilib.
Sonda şəhidin məzarı ziyarət edilib, ruhuna dualar oxunub.
Xəbərdən istifadə edərkən istinad etmək vacibdir.
