Ev heyvanlarını sevməyən insan tapmaq çətindir. Çoxları evində bəslədiyi sevimli pişiyi, iti və ya tutuquşunu bir ailə üzvü kimi sevir. 
Bu dördayaqlı canlılara sərvətlərini miras qoyanlar belə var. 
Amma, elə məşhurlar ki, onların ev heyvanları adət etdiyimiz canlılar deyil. Onların seçimi bizə qəribə gəlsə də, bu həqiqətdir.
Məsələn, Hollivid aktyoru Nikolas Keyc evində hər kəsin qorxduğu və yalnız kinoda görməyə üstünlük verdiyi kobra bəsləyir. 
Mayli Sayrus reputasiyasına uyğun heyvana üstünlük verib. Bu əxlaqsızlıq simvoluna çevrilmiş müğənni yanında miniatür donuz gəzdirir.
Rinqdə rəqibini amansızcasına əzişdirən Mayk Tayson göyərçin saxlayır. 
Britaniyalı aktyor Dominik Monaken normal insanların uzaq durmağa çalışdığı və məhv etmək üçün müxtəlif vasitələr hazırladığımız böcəkləri sevir. O, evində müxtəlif böcəklər bəsləyir.
Amerikalı Arnold Şvarsnegerin ən yaxın dostu uzunqulaqdı desəydilər, inanmazdıq. Amma bu doğrudan da belədir.
Məşhur müğənni Castin Biber əlində balaca piton gəzdirir. Bəlkə də bu nəhəng ilan növü artıq böyüyüb, amma bu Castinin ona olan sevgisinin azalması üçün səbəb deyil.
Kara Delevinc dovşan saxlayır. (anspress.com)