Rusiyanın "Azimut" Hava Yolları Mineralnıye Vodı və Soçi hava limanlarından Azərbaycana uçuşları ləğvedilib.
Xeberle.com məlumat verir ki, bu barədə "İnterfaks” nəşri məlumat dərc edib.
"Mineralnıye Vodıdan Bakı və Gəncəyə, həmçinin Soçidən Bakıya reyslər Azərbaycan hava limanları tərəfindən slotların çıxarılması ilə əlaqədar ləğv edilib. Bu, öz növbəsində, Azərbaycan aviasiya hakimiyyət orqanlarının uçuş icazəsini ləğv etməsi ilə əlaqədar baş verib", - KİV yazıb.
Xatırladaq ki, dekabrın 25-də səhər saatlarında Azərbaycanın paytaxtı Bakıdan Qroznıya uçan "Azərbaycan Hava Yolları”nın "Embraer-190” sərnişin təyyarəsi Qazaxıstanın Aktau şəhərinin hava limanında qəzaya uğrayıb. Qəzadan əvvəl təyyarənin ekipajı təcili eniş tələb edib. Təyyarənin göyərtəsindəki 67 nəfərdən 42-si Azərbaycan, 16-sı Rusiya, 6-sı Qazaxıstan, 3-ü isə Qırğızıstan vətəndaşı olub. Onlardan 38-i həlak olub, 29-u sağ qalıb.
Xəbərdən istifadə edərkən istinad etmək vacibdir.
