"Problem ondadır ki, 1980-ci illərin sonunda Ermənistanın müstəqilliyi ideyası müstəqillik və dövlətçilik naminə deyil, Qarabağ məsələsinin həlli naminə yaranmışdı". Xeberle.com məlumat verir ki, bunu Ermənistanın baş naziri Nikol Paşinyan parlamentdə 2024-cü il büdcəsinin icrasının müzakirəsi zamanı deyib.
"Yəni biz müstəqil dövləti ən yaxşı yaşamaq üçün deyil, Qarabağ məsələsi üçün yaratmışıq. Bu, siyasi reallıqdır. 1989-cu ildəki Komitə müstəqillik ideyasının nəticəsi idi. Qarabağ məsələsinin SSRİ-nin hüquqi nizamı çərçivəsində həllinə ümidi itirdik, ona görə də Qarabağ məsələsinin həlli üçün müstəqillik zəruri idi.
30 il ərzində biz Qarabağ probleminin, Qarabağ hərəkatının həllinə və onun uğrunda hər şeyi qurban vermək məntiqinə əsaslanan və ilk növbədə ona həsr olunmuş dövlət modeli qurduq. Qarabağ məsələsi bir sıra xarici aktorlar üçün müstəqilliyimizin, firavanlığımızın, dövlətçiliyimizin inkişafının qarşısını almaq, daha sonra isə dövlətçiliyimizə son qoymaq vasitəsidir.
Hakim çoxluq, şəxsən mən deyirəm ki, Qarabağ hərəkatı dağıdıcıdır, çünki o, Ermənistanın dövlətçiliyinin, müstəqilliyinin və suverenliyinin qarşısını almaq üçün alət olub və olacaq", - deyə o qeyd edib.
Xəbərdən istifadə edərkən istinad etmək vacibdir.
