XX əsr dünya tarixinə qanlı hərflərlə yazıldı. 1939-1945-ci illərdə baş verən İkinci Dünya müharibəsində dünyanın ən güclü dövlətləri bir-birinə müharibə elan etdi.   Tarixin ən böyük savaşında dünya millətlərinin çoxu, ümumilikdə isə 100 milyondan çox insan iştirak edib. Bu səbəbdən sözügedən qanlı savaş tarixin ən böyük müharibəsi kimi qəbul edilir. Bu, nüvə silahının istifadə olunduğu yeganə müharibədir və bu müharibədə müxtəlif soyqırımlar həyata keçirilib.   İkinci Cahan savaşından geriyə qalan "müharibə qalıqları” müxtəlif kolleksiyaçılar tərəfindən ağlasığmaz qiymətlərə alınıb. II Dünya müharibəsinin ən bahalı 10 əşyasını təqdim edir: 

10. Uinston Çörçillin ətir qutusu   Siyahıda 10-cu yeri Çörçillin ətir qutusu tutur. Ətir qutusu XX əsrdə çox geniş istifadə olunan bir əşya idi. Bu qutu tərkibindəki ətirlə ətrafdakı pis qoxuları içinə çəkirdi. Çörçill almanların London hücumu zamanı öz sevimli ətir qutusunu itirdikdən sonra bu qutunu Böyük Britaniya İcmalar palatasının qarovulçularına düzəltdirmişdi.   Sözügedən ətir qutusu məşhur "Sotbis” auksionunda satışa çıxarılıb və 24 min dollara satılıb. 


9. Çörçillin makina yazısı   II Dünya müharibəsinin ən dəyərli əşyalarından biri olan bu yazı Siciliyanın işğalından və Mussolininin devrilməsindən sonra Çörçillin şəxsən çap maşınında yazdığı yazıdır.   2003-cü ilin iyulunda auksionda 37 min dollara satılıb. 


8. Piter Vayt arxivi   Bu arxiv Şotlandiya kraliyyət ordusunda çalışan bölük komandiri Piter Vaytın məktublarından ibarətdir. Vayt 1 yanvar 1938-ci ildən 10 avqust 1942-ci ilə qədər müharibə zamanı baş verən hər şeyi yazaraq, ya çəkərək sənədləşdirib. Bu arxivdə eyni zamanda 4 medalyon, bir kodak fotoaparat, bu aparatla çəkilmiş fotolar və bir film də var.   Sözügedən arxiv 2007-ci ildə 50 min dollara satılıb. 




7. Mussolininin cəsarət medalyonu   Bu medalyon 1943-cü ildə hökumət tərəfindən vəzifədən uzaqlaşdırılıb həbs edilənə qədər Mussolinidə olub. Ondan sonra medalyon haqda heç bir məlumat əldə edilməyib. Lakin 2012-ci ilin martında medalyon birdən-birə peyda olub və auksiona çıxarılıb.   İtalyan diktatora aid olan cəsarət medalyonu 123 min dollara satılıb. 


6. Hitlerin tapançası   Təbii ki, Hitlerin düşməni çox olub. Bu səbəbdən öz təhlükəsizliyi baxımından yanında daim silah gəzdirib. Üzərində əl fənəri olan bu silah gecə qarovulçusunun silahı idi.   Sözügedən silah 2012-ci ildə Rok adasında 160 min dollara satılıb. 

4. Eniqma şifrə maşını   İkinci Dünya müharibəsi zamanı gizli mesajların şifrələnməsi və təkrar çözülməsi məqsədilə istifadə olunan Eniqma şifrə maşınından istifadə olunub. Bu maşın alman ordusunun hücum mövqeyinin, strategiyasının və bu kimi digər gizli mesajların çözülməsində müttəfiqlərə yardım edib.   Sözügedən maşın 2012-ci ildə 221 min dollar satılıb. 



3. Hitlerin masası   Hitlerin imzaladığı Münhen sazişi İkinci Dünya müharibəsinə səbəb olmuşdu. Adolf Hitlerin Münhen sazişi imzaladığı masa auksionda 422 min dollar satılıb. 




2. Viktoriya Xaç Medalyonu   Bu medalyon İkinci Dünya Müharibəsinin ən bahalı əşyalarından biridir. Müharibə zamanı mükafatlandırılan 22 Avstriya əsgərindən yalnız birinə verilmişdi.   Sözügedən Viktoriya Xaç Medalyonu 2011-ci ildə 1.1 milyon dollar satılıb. 



1. Hitlerin maşını: "Mersedes Benz 770 k”   Hitler müharibə öncəsi və müharibə zamanı yalnız bu maşından istifadə edib. Müharibədən sonra maşının kimə aid olduğunu müəyyənləşdirmək xeyli zaman alıb. Sonunda "Mersedes”in Hitlerə aid olduğu ortaya çıxıb.  (axar.az)

Xəbərdən istifadə edərkən istinad etmək vacibdir.