Türkiyənin İzmir şəhərində yerləşən Ege Universitetində Dünya Azərbaycanlıları Konqresinin ve Azərbaycan Qazi Qadınlar İctimai Birliyinin təşkilatçılığı ilə "Dünəndən bugünə Türkiyə-Azərbaycan münasibətləri və Ermənistan” mövzusuna həsr olunmuş tədbir keçirilib. 
Tədbirdə ilk olaraq çıxış edən DAK sədri Asif Qurban, istər Qarabağ mövzusunda istərsədə digər mövzularda Türkiyə-Azərbaycan münasibətlərinin önəmindən bəsh edib.
Sonra O, Türkiyə-Azərbaycan qardaşlığının önəmini vurğulayaraq bildirib ki: "Ermənistan və onun havadarları unutmamlıdırlar ki, Türkiyə və Azərbaycana qarşı yaranacaq hər hansı bir problemdə bu dövlətlərin birlikdə addım atacağını bütün dünya bilməlidir”.
Daha sonra tədbirdə iştirak edən Ege Universiteti Türk Dünyası Araşdırmalar İnstitutunun müdiri Məhmət Əkinçi, Tarixci etnoqraf Ramazan Hüseynli, "Qazi Qadınlar Təşkilatı” rəhbəri Rada Abbas və KAFSAM rəhbəri Dr. Nazim Cəfərsoy da öz çıxışlarında bu kimi tədbirlərin əhəmiyyətindən, mövzunun tarixindən və gələcəkdəki Türkiyə və Azərbycan tərəfinin bu mövzudakı birgə fəaliyyətinin əhəmiyyətindən bəhs ediblər.
Tədbir İzmir şəhərində yaşayan azərbaycanlılar və türklər tərəfindən maraqla qarşılanıb.
İştirakçılar da öz növbələrində təşkilatçılara minnətdarlıqlarını bildiriblər.