Rusiya təbii qazını Türkiyə və bu ölkə üzərindən Avropaya nəql edəcək "Türk axını” qaz boru xəttinin açılış mərasimi keçirilib.
Xeberle.com report-a istinadən xəbər verir ki, açılış mərasimində Türkiyə prezidenti Rəcəb Tayyib Ərdoğan, Rusiya prezidenti Vladimir Putin, həmçinin Serbiya dövlət başçısı Aleksandr Vuçim və Bolqarıstan prezidenti Boyko Borisov da iştirak ediblər.
Məlumat üçün bildirək ki, "Türk axını” layihəsi üzrə tikinti işlərinə 2017-ci ildə başlanılıb. "Türk axını” qaz kəmərinin Qara dənizdən keçən qoşa xəttinin uzunluğu 930 km-dir. Boru kəmərinin birinci xətti Türkiyə bazarı üçün, ikincisi - Cənubi və Cənub-Şərqi Avropa ölkələrinə qaz tədarükü üçün nəzərdə tutulub. Xətlərin hər birinin ötürücülük qabiliyyəti 15,75 mlrd.kubmetrdir.
İlk xətdən gələn təbii qaz Serbiyanın qərbindən keçəcək. İkinci xətt isə Türkiyə üzərindən Cənubi Avropaya Rusiya qazını ixrac edəcək.
Xəbərdən istifadə edərkən istinad etmək vacibdir.
