Bil Qeyts (Bill Gates) üzərində çalışdığı yeni layihəsi ilə gələcəyin bütün qurğularını dəyişə bilər. Bil Qeytsin "Şəxsi agent” (Personal Agent) adlandırdığı gələcəyə hesablanmış yeni bir texnologiya üzərində çalışdığı məlum olub. Bu sirli layihənin əsas məqsədi, Qeytsin sözləri desək, hər şeyi xatırlamaq və geri dönüb əhəmiyyət verdiyiniz şeyləri tapmağa kömək etməkdir. Bil Qeyts ona ünvanlanan suallar arasında "önümüzdəki illərdə nələr olacaq” sualını belə cavablandırıb: "Önümüzdəki 30 il ərzində hər zamankındən daha çox irəliləyiş olacaq. Qarşıdakı 10 il içində video və audio ötürmələr, tərcümə texnologiyaları daha çox inkişaf etmiş olacaq. Meyvə toplamaq və ya bir xəstəni xəstəxanaya daşımaq kimi işləri mexaniki robot həll edəcək. Kompüterlər, robotlar görmə və hərəkətetmə mövzusunda elə bir səviyyəyə çatacaq ki, bunun da istifadəsi geniş yayılacaq”. Qeyts üzərində çalışdığı "Şəxsi agent" layihəsi haqqında danışarkən bunları deyib: "Fikirlər, yeni tətbiqlər tapmaq məcburiyyətində qaldığınız zaman onlar arasında nələrin yeni olduğunu bilmək təsirinə malik agent bu problemi həll edəcək. Bu cihaz sizin bütün cihazlarınızdan üstün olacaq". (axar)
Xəbərdən istifadə edərkən istinad etmək vacibdir.