Türkiyə Cumhuriyyətinin banisi Mustafa Kamal Atatürkün doğulduğu ev tapılıb.
Yunanıstanın Selanik şəhəri yaxınlığındakı Lanqaqada tapılan evin Atatürkün həqiqətən doğulduğu ev olduğu bildirib.
Selanik bələdiyyə sədri Yannis Boutaris deyib: "Atatürk türk ola bilər, amma əvvəla selaniklidir. Atatürk böyük bir şəxsiyyətdir. Turizm üçün demirik, Selanikin tarixən Osmanlı şəhəri olduğu bir həqiqətdir, biz tarixi ortaya çıxarmaq və tanıtmaq istəyirik. Düşmənliklərə son qoyulmalıdır. Biz Selanikdəki evin ətrafını düzəldirik. Lanqaqa bələdiyyəsi ordakı evi tanıtmaq istəyir. Atatürkün doğulduğu evlə böyüdüyü ev arasında bağlantı qurmaq istəyirik".
Selanik bələdiyyə sədri Boutaris İzmir Ticarət Palatasının sədri Əkrəm Dəmirtaşla görüşərək İzmirlə Selanik arasında birbaşa təyyarə reyslərinin açılmasının yararlı olacağını bildirib.
Boutaris deyib: "Bunun üçün ikitərəfli cəhd olmalıdır. İnsanlar iş qurmaq üçün İzmir və Selanik arasında gedib-gəlməlidirlər. Bu yolu açmaq istəyirik. İş şəraitlərini tanıtmaq istəyirik”.
Boutaris həmçinin bildirib ki, Selanikdə İslam və Osmanlı sənətlərinin kolleksiya sərgisini açmaq niyyətindədirlər. (musavat.com)
Xəbərdən istifadə edərkən istinad etmək vacibdir.