ABŞ prezidenti Barak Obama fevralın 11-nə keçən gecə Rusiya prezidenti Vladimir Putinə zəng edib. Ağ Evdən bildirilib ki, telefon danışığı zamanı Obama Putinə xəbərdarlıq edib.
Barak Obama deyib ki, Ukraynaya qarşı təcavüzü davam etdirəcəyi təqdirə Rusiyada sanksiyalar nəticəsində qiymətlər daha da yüksələcək, iqtisadi böhran dərinləşəcək.
Obama Putinə xatırladıb ki, rəsmi Moskva Donbas separatçılarına silah, maliyyə və əsgər yardımı göstərir. ABŞ prezidenti Vaşinqtonun Ukraynanın suverenlyi və ərazi bütövlüyünə dəstəyini bir daha təkrar edib.
Telefon danışığı zamanı Barak Obama rusiyalı həmkarını Ukrayna konfliktinin nizamlanmasına dair sülh planı ilə razılaşmağa çağırıb. Obama bildirib ki, Fransa, Almaniya, Ukrayna və Rusiya nümayəndələri arasında keçiriləcək Minsk danışıqlarının nəticə verəcəyinə ümid bəsləmək istəyir.
Qeyd edək ki, tərəflər arasında keçiriləcək həmin görüş martın 1-də baş tutacaq. (modern.az)
Xəbərdən istifadə edərkən istinad etmək vacibdir.