Balzak yeni əsər üzərində işləməyə başlarkən bir-iki ay otağından bayıra çıxmaz, pəncərə taxtalarını bərk-bərk bağlayardı ki, içəri işıq düşməsin. O, istisnasız olaraq öz sevimli xalatında şam işığında hər gün 18 saat yazırdı. Volter hərtərəfli şəxsiyyət idi: bir neçə əsəri eyni zamanda yaza bilirdi. İş stolu arxasında oturarkən əhvali-ruhiyyəsindən asılı olaraq müvafiq əlyazmasını götürür və onun üzərində işləməyə davam edirdi. Jül Vern yalnız elmi ədəbiyyatın öyrənilməsinə bir gündə saatlarla vaxt sərf edirdi. Onun diqqətini çəkən faktları xususi kağızlara – kartoçkalara qeyd edirdi. Onun tərtib etdiyi kartoteka elmi ictimaiyyətdə həsəd yaradırdı: bu kartotekada 20 mindən çox kartoçka var idi. Yəqin çox az adam fikir verib ki, Belarusiya şairi Adam Mitskeviç fantast yazıçı olub. Axı "Gələcəyin tarixi” adlı romanda o, akustik cihazlar haqqında yazmışdı. Bu cihaz vasitəsilə öz evində, sobanın yanında oturub şəhərdəki konsertə qulaq asıb istirahət etmək olur. Həmçinin romanda Yer üzünün insanlarına başqa planetlərdəki varlıqlarla əlaqə saxlamağa kömək edən mexanizlərin adı çəkilir. (axar.az)
Xəbərdən istifadə edərkən istinad etmək vacibdir.