Amerikada həkimlər daha bir unikal əməliyyata imza atıblar. 6 günlük körpəyə ürək nəql edilib.
Əməliyyat Arizonadakı uşaq xəstəxanasında həyata keçirilib. Bu əməliyyat ən kiçik xəstəyə orqan köçürülməsi kimi tarixə düşüb.
Həkimlər Kaylin Ottonun hamiləliyinin 20-ci həftəsində körpəsinin ürək fəaliyyətində problem olduğunu aşkr ediblər. Həkimlər uşağın ölü doğula biləcəyini ailəyə xəbər veriblər. Gənc qadın 33-cü həftədə erkən doğuş edib.
Oliver Cravford adlı balaca doğulan kimi orqan nəqli siyahısına düşüb. Doğulduqdan bir neçə gün sonra isə ona uyğun ürək tapıldığı üçün balaca Oliver təcili əməliyyat edilib.
Həkimlərin sözlərinə görə, əməliyyat uğurla bitib. Körpə yarımçıq doğulduğu üçün ağciyərləri tam inkişaf etməmiş olub.
İndi hər gün vəziyyəti daha da yaxşılaşan Oliver çəkisini artırmağa başlayıb. (anspress.com)
Xəbərdən istifadə edərkən istinad etmək vacibdir.