Sumqayıtın yeni icra başçısı Zakir Fərəcov şəhərə gəldiyi ilk gündən təhsil və səhiyyə idarələrinə xüsusi nəzarət edir. O, gözlənilmədən uşaq bağçalarına, məktəblərə və səhiyyə ocaqlarını təftişə gedir və buradakı vəziyyətlə yaxından tanış olur.

Xeberle.com-un məlumatına görə, bu dəfə o, Hacı Zeynalabdin qəsəbəsində yerləşən 6 saylı tam orta məktəbdə olub. İcra başçısı qəsəbə sakinləri ilə görüşüb, onların problemlərini dinləyib. O, həmçinin məktəbin sinif otaqlarını gəzib, təhsil ocağındakı şəraitlə yaxından tanış olaraq məktəbin problemlərini öyrənib.

İcra başçısı Sumqayıt şəhər İcra hakimiyyətinin H.Zeynalabdin qəsəbəsi üzrə icra nümayəndəsi Nazir Rzayevə müvafiq tapşırıqlarını verib.

Xeberle.com