Sumqayıt şəhər Cümə Məscidinin axundu Hacı Rauf Sərdarov Xeberle.com-a bildirib ki,  ki, ötən il 1000-ə yaxın cütlüyə dini nikah kəsilib. R.Sərdarov vurğulayıb ki, rəsmi nikah olmadan dini nikah kəsilmir: "Təbii ki, dini nikaha müraciət edilən zaman ilk olaraq tərəflərdən rəsmi nikahın olub-olmadığı soruşulur. Və ya "Asan" xidmətdə bununla bağlı qeydiyyata durmaları barədə rəsmi sənəd tələb olunur. Dini nikahın kəsilməsi üçün vətəndaşlardan heç bir ödəniş tələb olunmur. Əgər vətəndaş könüllü olaraq məscidə kömək etmək istəyirsə, buna etiraz etmirik".

Axund bəzi istisnalara da rast gəlindiyini deyir: "Bəzi hallar da isə toy günü müraciət edilir ki, bu zaman da tərəflərin şəxsiyyəti təsdiq edən sənədləri tələb olunmaqla valideynlərin də şahidliyi ilə dini nikah kəsilir. Ötən illərlə müqayisədə erkən yaşda dini nikaha müraciət edənlərin sayında xeyli azalmalar müşahidə edilir. Belə hallarla qarşılaşdığımız zaman isə biz tərəflərə bunun qanunvericilikdə yolverilməz olduğunu bildirərək, dini nikah kəsmirik".

Xədicə Səxavətqızı

Xeberle.com