Sumqayıt şəhər sakinləri ağacların qırılaraq yerində tikinti aparılacağından narahatdırlar. Sakinlər ANS PRESS-in "qaynar xətti”nə etdikləri şikayətdə bildiriblər ki, Sumqayıt şəhər 14-cü məhəllə adlanan ərazidə, küçə 5/382 və 5 A ünvanlarında yerləşən binaların həyətlərindəki ağacları qırmaq istəyirlər. Sakinlərin sözlərinə görə, naməlum şəxslər həyətə bir neçə maşın daş töküblər. Orada qaraj və obyektlər tikmək istəyirlər. Həmçinin o da bildirilir ki, bunun üçün həyətdə olan bir neçə ağacın kəsilməsi planlaşdırılır. Məsələyə aydınlıq gətirmək üçün Sumqayıt şəhər İcra Hakimiyyətilə əlaqə saxladıq. İcra başçısının sosial-iqtisadi məsələlər üzrə müavini Sahib Quliyevin ANS PRESS-ə bildirdi ki, məsələ barədə xəbərsizdirlər. "Düzü, bu barədə bizə heç bir məlumat verilməyib. İndi deyilən ünvana əməkdaşlarımız göndəriləcək. Məsələ araşdırılacaq”, - deyə Sahib Quliyev bildirib. Daha sonra Ekologiya və Təbii Sərvətlər Nazirliyilə əlaqə saxladıq. Nazirliyin mətbuat xidmətinin rəhbəri İradə İbrahimova ANS PRESS-ə bildridi ki, məsələ araşdırılacaq. "Dediyiniz ünvana əməkdaşlarımız göndərəcəyik. Əgər həqiqətən də ağac kəsimi faktı varsa bunun qarşısı mütləq alınacaq. Günahkarlar barədə rəsmi şəkildə tədbirlər görüləcək”, - deyə İradə İbrahimova bildirib.
Sumqayıtda bilik yarışının qalibləri müəyyənləşdirildi
"Karsan" bir vaxtlar Sumqayıtda - FOTO
“Penoplast” üzlüklü binaların sakinləri etiraz aksiyasına başladılar – VİDEO
"Ukrayna xalqının Rusiya işğalına qarşı qəhrəmancasına müqavimətinin yeddinci günü davam edir".
Penitensiar Xidmətin müəssisələrində saxlanılan dustaqların bir hissəsi azadlığa buraxılır.
I qrup üzrə bu ixtisasların keçid balları artırıldı – SİYAHI
Kommunal xidmətlərdən hansına daha çox ödəniş edrisiniz?
2016 Powered By Maker.az