"Yaşıldərə”
yaşayış massivində su problemi öz həllini tapmır.
Sumqayıt
şəhəri Yaşıldərə massivi, Dəmiryol vağzalı ətrafında yaşayan sakinlər 1
həftədir susuzluqdan əziyyət çəkirlər.
Bu
barədə Xeberle.com-a massiv sakini Vüsal Hətəmov məlumat verib. V. Hətəmov deyir ki, rəsmi qurumlar xətlərin köhnəliyini və yenisinin çəkilməli olduğunu bəhanə edirlər:
"Halbuki yüzlərlə ailə 460 manatdan pul yığıb su qovşağına
qoşulmuşuq, amma yenə də yay aylarında su üzünə həsrətik. Ceyranbatan su
hövzəsinin kənarında yerləşirik. 2 gün dükan-bazar da bağlı oldu,
ailə-uşaqlarımızı içməli su ilə təmin edə bilmədik. Şəhərdə aparılan abadlıq-quruculuq
işlərinə Sumqayıt Sukanal İdarəsi kimi qurumlar kölgə salır. İyirmi ikinci
əsrdə yaşayırıq, amma hələ də su üzünə həsrətik. Kanalizasiya xidməti olmadığına baxmayaraq sakinlərdən 55 qəpik
su-kanalizasiya pulu yığılır”.
Bəs
görəsən massiv sakinlərinin su problemi nə vaxt həllini tapacaq?
Məsələ
ilə bağlı Sumqayıt Sukanal İdarəsi ilə əlaqə saxladıq. İdarənin Qəza-bərpa
işləri üzrə sahə rəisi Rövşən Orucov Xeberle.com-a açıqlamasında problemdən
xəbərdar olduqlarını və sakinlərin su təchizatının yaxşılaşdırılması
istiqamətində işlər görüldüyünü bildirdi: ""Bəli,
sakinlər düz deyirlər, artıq neçə vaxtdır ki, adıçəkilən qəsəbədə su zəif
gəlir. İndi bağ mövsümüdür. Suya tələbat artıb. Bizim tərəfdən massivə
verilən suyun təzyiqinin güclü olmasına
baxmayaraq belə olan təqdirdə təzyiq aşağı düşür. Əraziyə baxış keçirilib, yaşayış massivinə
yeni su xətlərinin çəkilməsinə başlanılıb. Bu tədbirlər başa çatandan sonra
yaranan problem aradan qaldırılacaq”.
X. Novruzova
Xeberle.com
Xəbərdən istifadə edərkən istinad etmək vacibdir.
