Sumqayıt atmosferində mövcud olan ekoloji problemlər artıq heç kəsə sirr deyil. Bir neçə ildir hökm sürən böhranlı şərait - havadakı kəskin tüstü-yanıq qoxusu artıq sumqayıtlılar üçün sözün əsl mənasında başağrısına çevrilmişdi. Xeberle.com portalı olaraq dəfələrlə problemi işıqlandırmış, ciddi ekoloji təhlükə barədə xəbərdarlıq etmişdik.
Budur, artıq problemə şəhər icra hakimiyyəti səviyyəsində reaksiya verildi. Belə ki, icra başçısı Eldar Əzizov fevral ayının 20-də ötən ilin yekunlarına həsr olunmuş hesabat konfransında bu məsələnin üzərində xüsusən dayanaraq Rahim Mustafayevdən hesabat sordu, onu ciddi şəkildə tənbeh edərək xəbərdarlıq etdi. Qarşı tərəf isə söz verdi ki, bir ay ərzində problemi böyük ölçüdə həll edəcək. Bundan sonra şəhər rəhbərliyi tərəfindən problemin həll olunması istiqamətində xüsusi göstərişlər verildi. Artıq Sumqayıt şəhərində 110 hektar ərazini əhatə edən məişət tullantıları poliqonunda ciddi təmizlik işlərinə başlanılıb, əraziyə xeyli sayda texnika və canlı qüvvə cəlb olunub, qalaqlanmış tullantıların üzərinə torpaq tökülür, ərazidə tullantıların basdırılması, hamarlanması işləri aparılır. Şəhər Təmizlik Departamentinin rəisi Rahim Mustafayev isə problemlə bağlı sumqayıtlılardan üzr istəyib və bundan sonra problemin təkrar olunmaması ilə bağlı bütün səylərini səfərbər edəcəklərini söyləyib.
Xeberle.com məsələ ilə bağlı geniş reportajı təqdim edir: