Sumqayıtda tanışını bıçaqlayaraq qətlə yetirməkdə təqsirli bilinən Yaqub Bayramovun cinayət işi üzrə təfərrüatlar məlum olub.
Xeberle.com xəbər verir ki, hadisə Sumqayıt şəhəri, 3-cü mikrorayon, Sülh küçəsi 20/33 ünvanında qeydə alınıb.
Sumqayıt şəhər sakini, 1986-cı il təvəllüdlü Yaqub Bayramov mübahisə zəminində tanışı, 1993-cü il təvəllüdlü Pərviz Əlizadəni bıçaqlayaraq qətlə yetirib.
Y. Bayramov polis tərəfindən saxlanılıb.
İş üzrə dindirilmiş Yaqub Bayramov ifadəsində bildirib ki, sifariş əsasında iyulun 6-sı və 7-də Bakıda Azdlıq prospektində yerləşən şadlıq sarayında ofisiant işləyib. Ayın 7-si gecə saat 11-in yarısında işlərini qurtardıqdan sonra oradan çıxıb və gecə saat 1 radələrində Sumqayıta çatıb. Avtovağzalın yanındakı kafedə bir bakal pivə içib sonra Sülh küçəsi ilə hərəkət edərək siqaret almağ üçün marketə yaxınlaşıb. Bu zaman bir nəfər onu yan tərəfdən çağırıb. Ora baxdıqda tanışı Pərvizin Rəvan adlı dostu ilə daşın üzərində oturduğunu görüb. Yaqub onlara yaxınlaşaraq hər ikisi ilə görüşüb. Söhbət əsnasında Pərviz ofisiant işlədiyi "Dörd Qardaş" şadlıq sarayında müştəri ilə arasında olan narazalıqdan gileylənib və ucadan nalayiq ifadələr işlədib.
Yaqub Pərvizə sərxoş olmasını və söyüş söyməməsini bildirərək sağollaşıb getmək istəyəndə Əlizadə onun niyə söhbətdən qaçığını deyərək söyüş söyüb. Yaqub ondan nə dediyini soruşanda Pərviz əlindəki pivə şüşəsini onun baş nahiyyəsinə atıb. O, zərbənin təsirindən yerə yıxılaraq huşunu itirib. Özünə gəldikdə yerdə olduğunu, sifət və qarın nahiyyəsinə təpik zərbələrinin dəyməsini hiss edib. Yaqub yuxarı baxdıqda Pərvizi görüb və şalvarıın cibindən bıçağı çıxarıb oturmuş vəziyyətdə ayaq üstə olan Əlizadənin bədəninə bir neçə zərbə vurub.
Yaqub Bayramov ifadəsinin davamında bildirib ki, zərbələrdən sonra Pərviz qaçmağa başlayıb. O, isə ayağa qalxıb əlində bıçaqla küçə ilə gedib və bir az keçmiş yolun kənarında dayanan polis avtomaşına yaxınlaşıb bir nəfəri bıçaqla vurduğunu lakin ölüb ölməməsini deyib. Yaqub bıçağı onlara təqdim edib və polisə təslim olub.
Zərərçəkən Zeynəb Əliyeva oğlu Pərvizin onun tək övladı olduğunu qeyd edib. Oğlu son beş ildə Sumqayıt şəhərində yerləşən "Dörd Qardaş" şadlıq sarayında ofisiant işləyib. İyulun 7-də Pərviz evə qayıtmayıb. Səhərsi gün oğlunun Rəvan adlı dostu evlərinə zəng edib Pərvizin bıçaqlandığını və xəstəxanada olmasını deyib. Daha sonra onunla danışan polis əməkdaşı qadını 3-cü polis bölməsinə dəvət edib. Qaynı ilə bölməyə gedəndə orada oğlunun öldüyünü bilib. Hadisənin necə baş verməsindən məlumatı olmayıb.
Məhkəmə prosesində Yaqub Bayramov ittiham üzrə özünü qismən təqsirli bilib.
Zərərçəkən Zeynəb Əliyeva təqsirləndirilən şəxsə əməlinə uyğun cəza təyin olunmasını xahiş edib.
Xəbərdən istifadə edərkən istinad etmək vacibdir.
