![Bakı-Sumqayıt yolunun bir hissəsinin çökməsinin səbəbi məlum oldu Bakı-Sumqayıt yolunun bir hissəsinin çökməsinin səbəbi məlum oldu](/uploads/posts/2024-07/medium/1722064763_mg_20240727_111745.jpg)
"Çökmənin əsas səbəbi magistral yolun yaxınlığında mənzil-tikinti şirkəti tərəfindən inşa olunan binalar üçün "Azərsu" ASC-dən alınmış Texniki Şərt əsasında podratçı təşkilat tərəfindən qurulan kanalizasiya xəttinin çəkilişi və son günlərdə havanın yağmurlu keçməsidir".
Bu məlumatı Abşeron Rayon İcra Hakimiyyətinin mətbuat katibi Seymur Qasımov Oxu.Az-ın sorğusuna cavab olaraq verib.
O qeyd edib ki, yaranmış çöküntü Bakı-Quba magistral şosesinin köməkçi hissəsindədir.
"Belə ki, yağış suları asfalt örtüyünün altına keçərək yolun alt qatını (qırmadaş hissəsini) yuyub və nəticədə çöküntü əmələ gəlib.
Bildiririk ki, 27 iyul 2024-cü il tarixdən mənzil-tikinti şirkəti tərəfindən yolun bərpa işlərinə başlanacaq", - deyə S.Qasımov qeyd edib.
Xəbərdən istifadə edərkən istinad etmək vacibdir.