Hadisə yerinə FHN-nin yanğınsöndürənləri cəlb edilib

Bakıda çoxmərtəbəli bina yanır. Binəqədi rayonu ərazisində, Azadlıq prospekti 289 ünvanında yerləşir.

Hadisə yerinə FHN-nin yanğınsöndürənləri cəlb edilib.

Məlumata görə, binanın üzlüyü alışıb. Bu barədə məlumat sosial şəbəkədə yayılıb.  (lent.az)

***11:11
Azadlıq prospektində yerləşən binada baş vermiş yanğın nəticəsində nəqliyyat vasitələrinin hərəkəti məhdudlaşdırılıb.
Nəqliyyatı İntellektual İdarəetmə Mərkəzindən ANS PRESS-ə verilən məlumata görə, sürücülərə alternativ olaraq Şövkət Məmmədova küçəsindən istifadə etmələri tövsiyə olunur.
Qeyd edək ki, hazırda Bakıda hündürmərtəbəli binada yanğın başlayıb. 
Binəqədi rayonu ərazisində baş verən hadisə nəticəsində binanın fasadı alışıb. 
Fövqəladə Hallar Naziriliyinin "qaynar xətti"ndən verilən məlumata görə, hadisə yerinə yanğınsöndürənlər göndərilib.
Hazırda binanın söndürülməsiu istiqamətində iş görülür.  (anspress.com)