Türkiyənin Egey dənizi sahillərində 6,9 bal gücündə zəlzələ qeydə alınıb.
Seysmoloqların məlumatına əsasən, zəlzələnin episentri Türkiyənin cənub-qərbində Bodrum şəhərindən 10,3 km aralı, dənizdə olub. Yeraltı təkanların ocağı 10 kilometr dərinlikdə yerləşib.
Zəlzələ kiçik sunamiyə səbəb olub.
Zəlzələ daha çox Muğla əyalətinin Bodrum və Dacia şəhərlərində hiss olunub.
Hazırda daha güclü sunami təhlükəsi olduğundann şəhər sakinləri və turistlər dəniz kənarından yüksəkliklərə təxliyə edilirlər.
Bodrumda köhnə binalarda çatlar əmələ gəlib, şəhər işıqsız qalıb.
Zəlzələ nəticəsində Yunanıstanın Kos adasında iki nəfər ölüb.
Ən güclü afterşok 5,1 bal gücündə olub.
Zəlzələdən təşvişə düşən bir neçə Muğla şəhər sakini özünü binadan atıb.
Bodrum şəhərinin 70-dək sakini güclü zəlzələdən sonra xəstəxanalara müraciət edib.
Xeberle.com-un APA-ya istinadla xəbərinə görə, xəstəxanalara müraciət edənlərin əksəriyyəti zəlzələ zamanı təşviş içində evlərini tərk edən, pəncərədən atılan şəxslərdir. Onların arasında ciddi xəsarət alanların olmadığı qeyd edilir.
Muğla əyalətinin valisi Esengel Civelek dağıntıların ciddi olmadığını qeyd edib.
Xəbərdən istifadə edərkən istinad etmək vacibdir.
