Milli Məclisin deputatı Hicran Hüseynova 2023-cü il
ərzində Yunan-Roma güləşi idman növü üzrə yüksək nailiyyətlər qazanmış, 2018-ci
il təvəllüdlü Xanışlı Xan Razim oğlu ilə görüşmüşdür. YAP-ın Sumqayıt bölməsində
baş tutan görüşdə Hicran xanım Hüseynova balaca idmançını əldə etdiyi uğurlara
görə Fəxri Fərmanla təltif etmiş, ona təhsilində və idaman sahəsində
atacağı addımlarda uğurlar diləmişdi. Həmçinin
o, ailənin problemləri ilə də maraqlanmışdır.
Əslən Qubadlı rayonundan olan X.Xanışlının atası Razim
bəy göstərilən diqqət və qayğıya görə Millət vəkilinə öz dərin təşəkkürünü
bildirmişdir.
Qeyd edək ki, Azərbaycan idmanının inkişafında və Azərbaycan
bayrağının mötəbər yarışlarda qürurla dalğalanmasında Sumqayıtlı kadrların, peşəkar
və gənc idmançıların xüsusi xidmətləri
var.
Xeberle.com
Xəbərdən istifadə edərkən istinad etmək vacibdir.
