"Sumqayıt"ın qış fasiləsində heyətinə qatmaq istədiyi futbolçulardan birinin kimliyi bizə məlum olub.
Söhbət braziliyalı vinger Jackson Keniodan gedir.
24 yaşlı yarımmüdafiəçi "İstanbulspor"un şərəfin qoruyur. O, bu mövsüm Super Liqada 19 görüşdə meydana çıxıb və 3 qolla yadda qalıb. Cənubi amerikalının 2020-ci ilə kimi qısa müddət Avstriyada keçən həvəskar səviyyəli karyerasını nəzərə almasaq, əsasən Braziliya klublarında top qovub.
2020-ci ildə transfer olunduğu Albaniyanın "Eqnatiya" klubunda 3 il forma geyinib. Əlavə edək ki, "Sumqayıt” ötən yay da Kenionu heyətə qatmaq istəsə də, o, daha yüksək maaş təklif edən Türkiyə təmsilçisinin təklifini qəbul edib.(Bizim.Media )
Xəbərdən istifadə edərkən istinad etmək vacibdir.
