Bu gün AFFA İntizam Komitəsinin növbəti iclası keçirilib. Futbolinfo.az xəbər verir ki, aparılan müzakirələrdən sonra aşağı liqalarda baş tutan oyunlarla bağı cəzalar açıqlanıb.
Komitə hər həftə olduğu kimi, bu dəfə də texniki məğlubiyyətləri sıralayıb. Belə ki, qurum 5 klubu 0:3-ə məruz qoyub.
U-19 Liqasının "Simurq” – "Bakı” (16 may) matçında qonaq komanda iştirak etmədiyinə görə kluba 0:3 hesablı texniki məğlubiyyət verilib.
U-17 Liqasının "Neftçi PFK” - "Neftçi İK İB” (11 may) qonaq komandanın futbolçusu Elşad Kazımov turu buraxmalı olduğu halda meydana çıxdığına görə kluba 0:3 hesablı texniki məğlubiyyət verilib.
U-17 Liqasının "Sumqayıt” – "Qəbələ” (11 may) matçında meydan sahiblərinin futbolçu Murad Məmmədxanov turu buraxmalı olduğu halda meydana çıxdığına görə kluba 0:3 hesablı texniki məğlubiyyət verilib.
U-16 Liqasının "Turan Tovuz” – "Bakı” (14 may) matçında qonaq komanda iştirak etmədiyinə görə kluba 0:3 hesablı texniki məğlubiyyət verilib.
U-16 Liqasının "Xəzər Lənkəran” – "Simurq” (14 may) matçında qonaq komanda iştirak etmədiyinə görə kluba 0:3 hesablı texniki məğlubiyyət verilib.
U-15 Liqasının "Vətən” – "Simurq” (12 may) matçında qonaq komanda iştirak etmədiyinə görə kluba 0:3 hesablı texniki məğlubiyyət verilib.
U-19 Liqasının "Qarabağ” – "Sumqayıt”( 13 may) matçının 55-ci dəqiqəsində meydan sahiblərinin futbolçusu Elvin Nəsibov hakimi təhqir etdiyinə görə qırmızı vərəqə alaraq meydandan kənarlaşdırıldığı üçün 4 oyun cəzalanıb.
U-16 Liqasının "Qəbələ” – "Neftçi” PFK (14 may) matçında meydan sahiblərinin futbolçu Murad Qayalı və Akşin Hüseynov hakimə qarşı fiziki təsir göstərdiklərinə görə hər iki futbolçu 10 oyunluq cəzalanıb.
Futzal üzrə Azərbaycan kubokunun "Neftçi” – "Fənər” FK (17 may) matçının 30-cu dəqiqəsində qonaq komandanın futbolçusu Roberto Pessoa aqressiv hərəkət – rəqibi bilərəkdən əllə vurduğuna görə birbaşa qırmızı vərəqə alaraq meydandan kənarlaşdırıldığı üçün 4 oyun cəzalanıb.
Azərbaycan həvəskarlar üzrə XVII ölkə birinciliyinin "Şərur” – "Qubadlı” (10 may) matçının 45-ci dəqiqəsində qonaq komandanın futbolçuları Zamiq Vəliyev, Surət Qalayev və meydan sahilərinin futbolçuları Babək Allahverdiyev, Roman Ramazanov dava-dalaşda iştirak etdiklərinə görə birbaşa qırmızı vərəqə alaraq meydandan kənarlaşdırıldıqları üçün hər bir futbolçu 5 oyun cəzalanıb. (affa.az)
Xəbərdən istifadə edərkən istinad etmək vacibdir.
