Premyer Liqada iştirak edən komandalarda bəzi futbolçular var ki, onların klubla olan müqavilələri cari mövsümün sonunda bitir. Bunlardan biri də "Sumqayıt"ın müdafiəçisi Vurğun Hüseynovdu.
Hüseynov "kimyaçılar"da qalacağını bildirib. Bu barədə 27 yaşlı futbolçu saytımıza açıqlamasında məlumat verib: "Sumqayıt" rəhbərliyi ilə danışıb, yoluna qoymuşuq. Bir-iki detallar qalıb ki, onları da söhbət edib, ortaq məxrəcə gəlməliyik. Ciddi məsələ deyil. Yəqin ki, 1 illik nəzərdə tutulub. Böyük ehtimalla, 90 faiz növbəti mövsümə hazırkı komandamda başlayacam. Müqavilə ilə "Sumqayıt"a məxsusam, "Qəbələ"dən azad agent kimi gəlmişdim".
Vurğun adının AZAL, "Kəpəz" və "Turan Tovuz"la yanaşı hallanmasına bu cür münasibət bildirdi: "AZAL və "Kəpəz"ə keçəcəyimlə bağlı gəzən söz-söhbətlər yalandı. Açığı, xəbərim yoxdu. Doğma klubuma gəlincə, elitada iştirak edərsə və mənə təklif gələrsə, əlbəttə ki, Tovuzda çıxış etməyə çox şad olaram, oranın çörəyini yemişəm. Hazırda heç bir klubdan təklif yoxdu". (Futbolinfo.az)
Xəbərdən istifadə edərkən istinad etmək vacibdir.
