İsveç yığması UEFA Millətlər Liqasının C Divizionunda Azərbaycan millisinə qarşı oyuna itkilərlə çıxacaq.
Xeberle.com xarici mətbuata istinadən xəbər verir ki, komandanın iki futbolçusu zədə səbəbindən matçı buraxacaq. Belçika təmsilçisi "Anderlext”də çıxış edən müdafiəçi Lüdviq Auqustinsson dizindən aldığı xəsarət, "Malmö”nün şərəfini qoruyan qapıçı Robin Olsen isə kəllə-beyin travması səbəbindən Azərbaycan seçməsi ilə görüşdə forma geyinməyəcək.
Qeyd edək ki, noyabrın 19-da keçiriləcək İsveç - Azərbaycan qarşılaşması Bakı vaxtı ilə saat 23:45-də başlayacaq.
Xəbərdən istifadə edərkən istinad etmək vacibdir.
