Sumqayıt şəhər 2 nömrəli Uşaq Gənclər İdman Şahmat Məktəbində
8, 10, 12, 14, 16 yaşadək oğlan və qızlar arasında şəhər birinciliyi keçirilib.
Xeberle.com-a verilən məlumata görə, gərgin və maraqlı idman
mübarizəsi şəraitində keçən yarışda Ümüd Allahverdi (8 yaş), Elçin Şəkərəliyev
(10 yaş), Şamil Məmmədov (12 yaş), Abil Yaqublu (14 yaş), Rahim Əliyev (16 yaş)
oğlanlar, Lalə İsmayılzadə (8 yaş), Nuray Yarəliyeva (10 yaş), Aytac Kərimli
(12 yaş), Məhluqə Zülfüqarlı (14 yaş), Elmira Qurbanova (16 yaş) isə qızlar
arasında bütün rəqiblərinə qalib gələrək
fəxri kürsünün ən yüksək pilləsinə qalxıb. Yarışda I – III yerləri tutmuş
idmançılar 2019-cu ilin yanvar ayında keçiriləcək Azərbaycan birinciliyinin
seçmə yarışlarında iştirak etmək hüququ əldə ediblər.
Birinciliyin qalib və mükafatçıları şəhər Gənclər və İdman
Baş İdarəsinin fəxri fərman, medal və hədiyyələri ilə təltif olunub.
Xəbərdən istifadə edərkən istinad etmək vacibdir.
