Sumqayıt şəhər Gənclər və İdman Baş İdarəsinin təşkilatçılığı ilə "28 May – Müstəqillik günü”nə həsr edilmiş idman növləri üzrə şəhər yarışlarına yekun vuruldu.

STOLÜSTÜ TENNİS. 25 - 26 may 2022-ci il tarixlərində "Sumqayıt Bulvarı” ərazisində yerləşən "Qarabağ NN” stolüstü tennis bazasında 2006-cı il və daha kiçik təvəllüdlü oğlanlar və qızlar arasında şəhər birinciliyi keçirilmişdir.
Gərgin və maraqlı idman mübarizəsi şəraitində keçən şəxsi yarışlarda Hüseyn Eylazov və Mərziyyə Nurmətova bütün rəqiblərinə qalib gələrək fəxri kürsünün ən yüksək pilləsinə qalxmışlar. Qoşa yarışlarda Hüseyn Eylazov, Toğrul Məhəmmədov, Mərziyyə Nurmətova və Arzu Aslanova cütlükləri, qoşa qarışıq yarışlarında isə Hüseyn Eylazov və Aylin Əsgərova birinciliyin qalibi olmuşlar.

BOKS. 25 – 27 may 2022-ci il tarixlərində "Təhsil” Respublika İdman Mərkəzinin Sumqayıt şəhər 1 nömrəli İxtisaslaşdırılmış Olimpiya Ehtiyatları Uşaq-Gənclər İdman-Şahmat Məktəbində 2008-2009-cu il təvəllüdlü oğlanlar və qızlar arasında şəhər birinciliyi keçirilmişdir.
Birincilikdə Aysun Mikayılova (52 kq), Mələk Abasova (57 kq), Ülvü Hacılı (34 kq), Rüstəm Şahbazov (36 kq), Nihad Qasımov (38 kq), İsmayıl Rzayev (40 kq), Aqşin Əlizadə (42 kq), Sübhan Babayev (44 kq), Şəmsəddin Cəfərov (46 kq), Təşkilat Quliyev (48 kq)t , Nurlan Abuşov (50 kq), Vüsal Xəlilov (52 kq), Elgün Sadıqov (54 kq), Vaqif Şıxalisadə (57 kq), Kənan Aslanlı ((60 kq), İlkin Sultanov (63 kq), Heydər Əzməmmədov (66 kq), Yüksəl Mikayılzadə (70 kq), Ömər Quluzadə (75 kq), Vüsal Məhərrəmov (80 kq) və Rahib Təhməzov (+80 kq) qızıl medala sahib olmuşlar.
    
MİNİ-FUTBOL. 19 – 27 may  2022-ci il tarixlərində "Kapitalbank” Arenada idarə, müəssisə və təşkilatlar arasında şəhər turniri keçirilmişdir.
Maraqlı idman mübarizəsi şəraitində keçən yarışda müvafiq olaraq Fövqalədə Hallar Nazirliyinin Sumqayıt şəhər Yanğından Mühafizə İdarəsinin, Gilan Tekstil Fabrikinin və Sumqayıt şəhər Polis İdarəsinin komandaları birinci, ikinci, üçüncü yerləri tutmuşlar.

Muay -  Tay.  28 -29 may 2022-ci il tarixlərində Sumqayıt Olimpiya İdman Kompleksində Sumqayıt şəhər nümayəndəliyinin açıq birinciyi keçirilmişdir. Birincilikdə Sumqayıt idmnçıları 12 qızıl, 11 gümüş, 10 bürünc medal əldə etmişlər.

Yarışların qalib və mükafatçıları Baş İdarə tərəfindən fəxri fərman, medal və hədiyyələrlə təltif  olunmuşlar.