2025-ci ilin yanvar-sentyabr aylarında Azərbaycanın xarici ticarət dövriyyəsi 35 milyard 375.5 milyon ABŞ dolları təşkil edib.
Dövlət Gömrük Komitəsi xəbər verir ki, bu məbləğin 18 milyard 606.5 milyon dolları ixracın, 16 milyard 769 milyon dolları isə idxalın payına düşüb.
İxracın ümumi ticarət dövriyyəsində xüsusi çəkisi 52.6%, idxalın payı isə 47.4% olub. Nəticədə ölkənin xarici ticarət saldosu 1 milyard 837.5 milyon dollar məbləğində müsbət göstərici ilə yekunlaşıb.
Eyni dövrdə Azərbaycanın 173 xarici ölkə ilə ticarət əlaqəsində olub. Xarici ticarət iştirakçılarının ümumi sayı 59 289-a çatıb. Onların 48 868-i fiziki şəxs, 10 421-i isə hüquqi şəxs kimi fəaliyyət göstərir. Hüquqi şəxslər arasında 170 subyekt dövlət sektoruna, 10 251-i isə özəl sektora aiddir.
Xəbərdən istifadə edərkən istinad etmək vacibdir.
