"Comex" birjasında (Nyu-York Ticarət Birjasının bölməsi) 2026-cı ilin fevral ayında çatdırılma üçün qızıl füçerslərinin qiyməti trua unsiyası üçün 5 min dolları keçərək yeni rekord səviyyəyə çatıb.
Xeberle.com məlumat verir ki, bu, ticarət platformasının məlumatlarında əksini tapır.
Yanvarın 26-da Bakı vaxtı ilə saat 02:41-ə olan məlumata görə, qızılın qiyməti 1 trua unsiyası üçün 5090.5 dollar təşkil edib.
Bakı vaxtı ilə saat 03:03-ə olan məlumata görə, qiymətli metalın dəyəri trua unsiyası üçün 5007.5 dollar (+0.49%) olub.
"Comex" birjasında 2026-cı ilin mart ayında çatdırılma üçün gümüş füçerslərinin qiyməti də tarixi maksimumunu yeniləyərək trua unsiyası üçün 100 dolları keçib.
Saat 03:00-a olan məlumata görə, gümüşün qiyməti 1 trua unsiyası üçün 109.305 dollar təşkil edib.
Saat 03:23-ə qədər onun dəyəri 104.74 dollar (+1.43%) səviyyəsinə düşüb.
Xəbərdən istifadə edərkən istinad etmək vacibdir.
