Lüksemburqun "Global Recourses and Industries S.A.R.L” şirkətinin Rusiya nümayəndəliyinin əməkdaşları Sumqayıt Kimya Sənaye Parkında olublar.
Qonaqlara Kimya Sənaye Parkının infrastrukturu, parkda investorlar üçün yaradılmış əlverişli imkanlar barədə ətraflı məlumat verilib. Qeyd olunub ki, parkda rezidentlərin qeydiyyatının "bir pəncərə” sistemi ilə həyata keçirilməsi sahibkarlara daha operativ və rahat xidmətin təşkilini təmin edəcəkdir. Parkın rezidentləri 7 il müddətinə mənfəət, torpaq, əmlak vergilərindən, eləcə də parka istehsal məqsədilə gətirilən avadanlıq və texnologiyalar əlavə dəyər vergisindən azaddır.
Sənaye parkında geniş infrastruktur qurulub, müasir sosial zonanın yaradılması işləri isə davam etdirilir.Sənaye parkında görülən işlər və burada investorlar üçün yaradılmış şərait qonaqlar tərəfindən yüksək qiymətləndirilib.