Azərbaycanda paytaxtdan sonra ən çox bank filialının olduğu yer Gəncədir. Burada 35 bankın filialı yerləşir.
Sonrakı yerlərdə isə 32 filialla Sumqayıt və 17 filialla Lənkəran qərarlaşıb.
Lakin ölkəmizdə bir çox rayon var ki, burada cəmi 1 bank filialı fəaliyyət göstərir. Bu siyahıda Ağdam, Babək, Balakən, Daşkəsən, Gədəbəy, Göygöl, Hacıqabul, Xızı, Qobustan, Lerik, Oğuz, Ordubad, Sədərək, Samux, Şahbuz, Tərtər, Yardımlı, və Zərdab var.
Nəticədə isə bu rayonlarda yaşayanlar yaxınlıqda hansısa bankın filialı olan ərazilərə gedməyə məcbur olurlar. Məişət avadanlığı, elektron cihazlar və ya digər ehtiyacları üçün kredit almaq istəyən şəxslər çətin vəziyyətlə üzləşirlər. Onların qeydiyyatı rayonda olduğundan Bakıda kredit verilmir , öz rayonlarında isə bunu həyata keçirəcək alternativ banklar yoxdur.İqtisadçı Ruslan Atakişiyevin sözlərinə görə, banklar regionlarda filliallar açmaqda o qədər də maraqlı deyillər, çünki qənaət etməyə çalışırlar.
Ekspert Ruslan Atakişiy hesab edir ki, internet bankçilığı inkişaf etdirməklə bu problemi müəyyən qədər həll etmək olar.
Xeberle.com "Xəzər Xəbər"ə istinadən mövzu ilə bağlı videomaterialı təqdim edir:
Xəbərdən istifadə edərkən istinad etmək vacibdir.