Azərbaycan Dünya Bankından (DB) "Cənub qaz dəhlizi"nin (CQD) reallaşmasına 500 milyon dollar kredit cəlb etmək istəyir.
Bu haqda bankın Bakı nümayəndəliyindən məlumat verilib.
"Azərbaycan tərəfi DB-yə müraciət edərək CQD-dəki payının maliyyələşdirilməsi üçün 500 milyon dollar kredit ayrılmasını istəyib", - deyə bankın nümayəndəsi bildirib. Onun sözlərinə görə, layihənin benefisiarı kimi "Cənub qaz dəhlizi" QSC çıxış edəcək.
Bankın nümayəndəsi qeyd edib ki, müsbət cavab alınacağı təqdirdə kredit vəsaitləri dövlətin zəmanəti ilə veriləcək.
"Layihənin hazırlanması ilə bağlı bütün məsələlərin, danışıqların aparılması və bankın direktorlar şurasının kreditin ayrılmasını təsdiqləməsinin 2016-cı ilin sonunadək yekunlaşdırılacağı planlaşdırılır", - deyə mənbə qeyd edib.
Anspress.com
Xəbərdən istifadə edərkən istinad etmək vacibdir.