Xeberle.com xəbər verir ki, Sumqayıt Dövlət Rəsm Qalereyasının əməkdaşları 12 saylı orta məktəbdə Azərbaycan karikatura sənətinin banisi Əzim Əzimzadənin həyat və yaradıcılığına həsr olunmuş mühazirə oxuyublar. Mühazirə Əzim Əzimzadənin 135 illiyinə həsr olunub. Tədbiri keçirməkdə məqsəd şagirdlərə Əzim Əzimzadə yaradıcılığını aşılamaq və onlara dahi, peşəkar fırça ustasını yaxından tanıtmaqdır.
Mühazirədə məktəbin 4,5 və 6-cı sinif şagirdləri iştirak ediblər Mühazirədə təsviri incəsənətin növləri və janrları haqqında geniş məlumat verilib, daha sonra rəssam haqqında qısa metrajlı filmə izahlı baxış keçirilib.
Sonda şagirdlərin rəsmlərinə baxılıb və diskussiya aparılıb.