Sumqayıtda "Nəsillərin rəngli dialoqu” adlı rəsm sərgisi açılıb.
Xeberle.com xəbər verir ki, Sumqayıt Dövlət Dram Teatrında keçirilən sərgidə deputatlar, rəssamlar, şəhər sakinləri və digər qonaqlar iştirak ediblər.
Milli Məclisin sədr müavini Ziyafət Əsgərov, deputat Səbinə Salmanova, Xalq şairi Sabir Rüstəmxanlı, Azərbaycan Rəssamlar İttifaqının sədri Xalq rəssamı Fərhad Xəlilov, Sumqayıt Şəhər İcra Hakimiyyətinin başçısı Zakir Fərəcov çıxış edərək, Prezident İlham Əliyevin rəhbərliyi ilə ölkəmizin qazandığı uğurlardan, torpaqlarımızın işğaldan azad olunmasından, suverenliyimizin bərpasından danışıblar.
Çıxışlarda Ulu Öndər Heydər Əliyevin və Prezident İlham Əliyevin Sumqayıta diqqət və qayğısından da bəhs olunub, şəhərin sosial-iqtisadi inkişafında, sənayenin formalaşmasında, elmin, təhsilin, mədəniyyətin tərəqqisində xidmətlərindən söz açılıb.
Sonra sərgi ilə tanışlıq olub.
Xəbərdən istifadə edərkən istinad etmək vacibdir.
