Xeberle.com xəbər verir ki, bunu Azərbaycan əsilli, dünya şöhrətli sənətçi Ququş şəxsi xatirələrini bölüşərkən deyib.

Onun sözlərinə görə, bir vaxtlar Azərbaycana gələ bilməsə də, mahnıları bu ölkədə öz dinləyicisini tapıb: "70–80-ci illərdə Bakıda, Gəncədə, Sumqayıtda kasetlərimin gizlicə bir-birinə ötürüldüyünü deyirdilər. İnsanlar toylarında, məclislərində mahnılarımı səsləndirirdilər. Bu, mənə hər zaman böyük sevgi və məsuliyyət hissi verib”.

Sənətçi bildirib ki, 2000-ci ildə uzun fasilədən sonra yenidən səhnəyə qayıdanda Los Anceles və Torontoda keçirilən konsertlərdə çoxsaylı azərbaycanlı tamaşaçı ilə görüşüb: "Sanki illərin həsrəti ilə bir-birimizə qovuşurduq. Onların göz yaşları, səmimiyyəti və ürəkdən gələn ‘xoş gəldin’ sözləri mənim üçün unudulmazdır”.

O, musiqisində Azərbaycan muğamının izlərinin hiss olunmasını da təsadüfi saymadığını vurğulayıb: "Bizim musiqilərimizin ruhu bir-birinə yaxındır. Şərqin zəngin melodiyalarını hər zaman səsimdə daşıdığımı hiss etmişəm”.

Sənətçi Azərbaycanın onun musiqisinə göstərdiyi sevgi və dəyərin heç vaxt unudulmayacağını qeyd edərək azərbaycanlı dinləyicilərə təşəkkür edib.