Sumqayıt şəhər Mədəniyyət və Turizm İdarəsi əhalinin asudə vaxtının səmərəli keçirməsi məqsədilə silsilə konsertləri davam etdirir. Bu dəfə Nəsimi adına Mədəniyyət və İstirahət Parkının Yaşıl teatrında 4 saylı Mədəniyyət klubunun kollektivi tamaşaçılara zövqlü anlar yaşadıb.Klubun "Dərya", "Zirvə", eləcə də əməkdar artist Aybəniz Haşımova yaratdığı "Bülbüllər” musiqi qruplarının təqdim etdiyi rəngarəng musiqi nömrələri şəhərimizin sakinləri tərəfindən maraqla qarşılanıb. 
 "Ovsun" İlluziya teatrının illuzionisti Bürünc Xalidin çıxışı isə konsert proqramının balaca izləyicilərinin ürəyincə olub.Konsertdə, həmçinin vətənpərvərlik ruhunda mahnılar ifa olunub, "Lider" rəqs qrupunun təqdimatında Azərbaycan oyun havaları nümayiş etdirilib.
Xeberle.com