Sumqayıt şəhər Q.Qarayev adına uşaq musiqi məktəbinin nəzəriyyə şöbəsinin müəllim kollektivi tərəfindən 10 nömrəli "Qar qız” körpələr evində musiqinin təbliği məqsədi ilə "Musiqili qövsi-qüzey” adı altında tədbir keçirilib. Tədbirdə musiqi məktəbinin təlim-tərbiyə işləri haqqında uşaqlara məlumat verilib. Uşaqlara musiqi alətləri və not haqqında məlumat verilib. Ritmik hərəkətlərin göstərilməsi uşaqların  marağına səbəb olub.
S.Vurğun adına Mərkəzi kitabxananın uşaq şöbəsində mətbuatın təbliği məqsədilə "Uşaqlar öz mətbuatından nə istəyir” adlı müzakirə saatı keçirilib.Kitabxana oxucuları ilə təşkil olunan tədbirdə AYB Sumqayıt bölməsinin sədri şair Sabir Sarvan iştirak edib.
Müzakirə saatında uşaqların mətbuat haqqında fikirləri, maraq dairəsi öyrənilib. Milli Qəhrəmanlar, şəhidlər, əsgərlərin keçdiyi döyüş yolu, hərbi texnikanın sirləri, Azərbaycan tarixi, xanlıqların idarə üsulu haqqında düşündürücü suallar verən oxucular öz mətbuatlarında məhz bu mövzulara yer verilməsini istəyiblər.
Müzakirə zamanı oxucular arasında şeir, hekayə yazan uşaqlar öz yaradıcılıqlarından kiçik nümunələr ifa ediblər.