Bu gün Bülbül adına Uşaq İncəsənət Məktəbində Sumqayıt şəhər Mədəniyyət və Turizm İdarəsinin, MİHİ Sumqayıt şəhər Komitəsinin təşkilatçılığı ilə 8 mart Beynəlxalq Qadınlar Günü münasibətilə bayram tədbiri keçirilib.
Sumqayıt şəhər Mədəniyyət və Turizm İdarəsinin Mətbuat xidmətindən Xeberle.com-a verilən məlumata görə tədbirdə 16 xanım mədəniyyət sahəsində səmərəli fəaliyyətinə və 8 Mart Beynəlxalq Qadınlar günü münasibətilə fəxri fərmanla təltif edilib.
Tədbirdə çıxış edən Sumqayıt şəhər Mədəniyyət və Turizm İdarəsinin rəisi Mehman Şükürov xanımları təbrik edərək onlara xoş arzularını çatdırıb. Son aylar icra başçısının təşəbbüsü ilə inşasına başlanılan mədəniyyət müəssisələri haqqında məlumat verən idarə rəisi bildirdi ki, artıq bir neçə mədəniyyət müəssisəsinin təmirinə də start verilib. Bundan əlavə şəhərin ən böyük mədəniyyət sarayı olan Ü.Hacıbəyov adına "Kimyaçılar” sarayının da Sumqayıt şəhər Mədəniyyət və Turizm idarəsinin balansına verilməsi ilə bağlı aparılan danışıqlara diqqət çəkən Mehman Şükürov kollektivlərin bundan sonra daha böyük səhnədə çıxış edə biləcəyini vurğulayıb. Daha sonra MİHİ Sumqayıt şəhər komitəsinin sədri şair Əşrəf Şəfiyev çıxış edərək xanımları şeirlə təbrik edib.
Tədbir Sumqayıt şəhər Mədəniyyət və Turizm İdarəsinin tərkibində Xalq Çalğı Alətləri Orkestrinin (bədii rəhbər və dirijor Vaqif Süleymanov) və Müəllimlər Xorunun ifasında konsert proqramı ilə davam edib. Konsertdə Gülzar Fərəcova, Firudin Ağayev, Təhmin Əhmədli, İbrahim Fərzəliyev, Naib Zəkiyevin ifasında Azərbaycan bəstəkarlarının əsərləri, o cümlədən Müəllimlər xorunun ifasında səslənən xalq mahnıları tamaşaçılar tərəfindən alqışlarla qarşılanıb.
Goranboy rayonunda silah-sursat tapılıb.
Xəzər dənizinin Xaçmaz və Şabran rayonları akvatoriyasında qanunsuz balıq ovlayan şəxslər
Bu gün Tələbə Qəbulu üzrə Dövlət Komissiyası (TQDK) 2016/2017‑ci tədris ili üçün ali təhsil
Azərbaycan Respublikasının Prezidenti İlham Əliyev iyulun 22-də Daşkəsən rayonuna səfəri
Dövlət İmtahan Mərkəzi 11 fevral 2024-cü il tarixində ali təhsil müəssisələrinin magistraturalarına
Süd və süd məhsulları istehsalçısı "Atena” şirkətinin işdən çıxarılan 250 nəfərdən çox işçisi
Kommunal xidmətlərdən hansına daha çox ödəniş edrisiniz?
2016 Powered By Maker.az