Bu gün Sumqayıt Dövlət Rəsm Qalereyasında Sumqayıt şəhər Mədəniyyət və Turizm İdarəsinin təşkilatçılığı ilə 8 Mart Beynəlxalq Qadınlar gününə həsr olunmuş rəsm sərgisi keçirilib.

Sumqayıt şəhər Mədəniyyət və Turizm idarəsinin Mətbuat xidmətindən Xeberle.com-a verilən məlumata görə, sərgidə rəsm işləri ilə yanaşı dekorativ tətbiqi sənət ustalarının əl işləri də nümayiş olunub və satışı təşkil olunub.

Ümumilikdə sərgidə 21 rəsm əsəri, 10 gips (qarışıq texnika) və 40-a yaxın dekorativ tətbiqi sənət əsəri nümayiş olunub.

Tədbiri Sumqayıt Dövlət Rəsm Qalereyasının direktoru Ellada Həsənova açaraq balaca rəssamları və sənət ustalarını təbrik edib, onlara yaradıcılıqlarında uğurlar diləyib.

Daha sonar balaca rəssamlar fəxri fərmanla təltif olunublar.

C.Cabbarlı adna mədəniyyət evinin "Turan” rəqs qrupunun ifasında "Azərbaycan suitası” rəqsi və Şəhər Mədəniyyət Evinin gənc solistləri Zaur Yusifli, Kamil Ağazadə, Tünzalə Məmmədovanın ifasında bir-birindən maraqlı musiqi nömrələri tədbiri daha da rövnəqləndirib.