Sumqayıt Dövlət Rəsm Qalereyasında Bülbül adına Uşaq İncəsənət Məktəbi "Uşaq dünyası” adlı rəsm sərgisi keçirib.

Sərgidə 50 şagirdin 131 rəsm, 38 qarışıq texnika əsərləri nümayiş olunub.

Tədbirdə Bülbül adına Uşaq İncəsənət Məktəbinin direktoru Lətafət Müfidzadə çıxış edərək sərgi haqqında məlumat verib, sərginin təşkilinə görə Sumqayıt şəhər Mədəniyyət və Turizm idarəsinin, eləcə də Sumqayıt Dövlət Rəsm Qalereyasının rəhbərliyinə təşəkkürünü bildirib. Əl işləri nümayiş olunan şagirdlərə xoş arzularını çatdıran Lətafət Müfidzadə onları fəxri fərmanla təltif edib.

Daha sonra məktəbin fortepaino və skripka şöbəsi şagirdlərinin ifasında musiqi nömrələri dinlənilib.