Sumqayıt
şəhər Mədəniyyət və Turizm idarəsi yeni layihəyə start verib.
Sumqayıt
şəhər Mədəniyyət və Turizm idarəsinin Mətbuat xidmətindən Xeberle.com-a verilən
məlumata görə, yeni açılan turizm obyektlərində əhalinin mədəni istirahətinin
təmin olunması məqsədilə mədəniyyət müəssisələri davamlı olaraq konsert
proqramı ilə çıxış edəcəklər.
İlk belə layihə Goradildə Dövlət Sərhəd Xidmətinin "Sərhədçi” istirahət mərkəzinin açılışı zamanı həyata keçirilib.
Tədbirdə
C.Cabbarlı adına mədəniyyət evinin, Şəhər Mədəniyyət evinin və Corat qəsəbə
mədəniyyət evinin özfəaliyyət kollektivinin üzvləri Zaur Yusifli, Kamil
Ağazadə, Günay Sadıqova, Sevda Akkaya, Ravin Əliyevin ifasında bəstəkar və xalq
mahnıları hərbçilər tərəfindən alqışlarla qarşılanıb. Kamil Ağazadənin
hazırladığı şou proqram uşaqların böyük marağına səbəb olub.
Xəbərdən istifadə edərkən istinad etmək vacibdir.