Sumqayıt Dövlət Dram Teatrı yazıçı-dramaturq Cəlil Məmmədquluzadənin "Danabaş kəndinin əhvalatları” povesti əsasında eyniadlı ikihissəli tamaşa hazırlayıb.
Xeberle.com xəbər verir ki, yeni səhnə əsəri martın ilk həftəsonu teatrsevərlərin ixtiyarına veriləcək.
Qeyd edək ki, əsər XIX əsrin sonlarındakı Azərbaycan kəndinin feodal-patriarxal mühitini, zülm və özbaşınalığı, xurafatı bütün dolğunluğu ilə əks etdirir. Tamaşanın quruluşçu rejissoru Əməkdar artist Namis Şirməmmədov, quruluşçu rəssamları Elşən Sərxanoğlu və Şahin Hüseynlidir. Baş rollarda Əməkdar artistlər İlahə Səfərova və Mövsüm Hüseynov çıxış edirlər. Həmçinin tamaşada teatr truppasının istedadlı aktyorları da yer alıb.
Xəbərdən istifadə edərkən istinad etmək vacibdir.
