Milli Məclisin deputatı Səbinə Salmanovanın təşəbbüsü ilə bir qrup şəhid ailəsinin Naxçıvana səfəri təşkil olunub.
Səfər çərçivəsində onlar Naxçıvan Şəhidlər xiyabanını ziyarət edərək Vətənimizin azadlığı və suverenliyi uğrunda canını fəda etmiş qəhrəman övladlarımızın xatirəsini ehtiramla yad ediblər.
Daha sonra şəhid ailələrinin digər mənəvi ünvanı möcüzəli Ashabi-Kəhf ziyarətgahı olub. Müqəddəs məkanda şəhidlərimizin ruhuna dualar oxunub.
Şəhidlərimizin ruhu qarşısında baş əyir, onların ailələrinə səbir diləyir, qazilərimizə və müharibə iştirakçılarımıza cansağlığı arzulayırıq!
Xəbərdən istifadə edərkən istinad etmək vacibdir.
