Mayın 14-də səhər Günəşdə sondan əvvəlki güc sinfinə (M) aid partlayış qeydə alınıb.
Xeberle.com-un məlumatıñmgörə, bu barədə TASS-a Rusiya Tətbiqi Geofizika İnstitutundan məlumat verilib.
"Mayın 14-də Moskva vaxtı ilə saat 6:25-də (Bakı vaxtı ilə 7:25) 4087 (N17E68) Günəş ləkələri qrupunda rentgen diapazonunda 37 dəqiqə davam edən M5.3 partlayış qeydə alınıb", - deyə məlumatda bildirilib.
Qeyd edək ki, Günəşdə partlayışlar rentgen şüalanmasının gücündən asılı olaraq beş sinfə bölünür: A, B, C, M və X. Minimum A0.0 sinfi Yerin orbitində bir kv.m-ə 10 nVt şüalanma gücünə uyğundur. Növbəti hərfə keçərkən güc 10 dəfə artır. Partlayışlar, adətən, Günəş plazmasının emissiyaları ilə müşayiət olunur ki, onların buludları Yerə çataraq maqnit qasırğaları yarada bilər.

Xəbərdən istifadə edərkən istinad etmək vacibdir.