![Sumqayıt Tibb Mərkəzi 150 şagirdi müayinə edib, hədiyyələr paylayacaq - FOTOLAR Sumqayıt Tibb Mərkəzi 150 şagirdi müayinə edib, hədiyyələr paylayacaq - FOTOLAR](/uploads/posts/2022-05/medium/1653997996_285307698_153977087199076_2183206266252907711_n.jpg)
Sumqayıt Tibb Mərkəzi (STM) 1 İyun – Uşaqların Beynəlxalq Müdafiəsi Günü münasibətilə uşaqların sağlamlığının qorunması istiqamətində "Uşaqların sağlamlığının keşiyində" şüarı ilə aksiyaya start verib.
Xeberle.com xəbər verir ki, Abşeron-Xızı Regional Təhsil İdarəsinin dəstəyi ilə üç gün davam edəcək aksiyanın ilk günü Mətləb Quliyev adına 3 nömrəli tam orta məktəbdə təşkil edilib.
Aksiyaya ibtidai siniflərdə təhsil alan və tibbi müayinəyə ehtiyacı olan şagirdlər cəlb edilib. Həmin məktəbdə Sumqayıt Tibb Mərkəzinin 3 həkimi - pediatr, oftalmoloq və stomatoloq 50 nəfər şagirdi müayinədən keçirib.
Əlavə müayinəyə ehtiyacı olan şagirdlərə müvafiq tibbi göstərişlər verilib. Müayinədən keçən məktəblilər 1 İyun – Uşaqların Beynəlxalq Müdafiəsi Günü münasibətilə Sumqayıt Tibb Mərkəzi tərəfindən təbrik edilib və onlara hədiyyələr verilib.
Qeyd edək ki, 3 gün davam edən aksiyada ümumilikdə ibtidai siniflərdə təhsil alan 150 şagirdin müayinədən keçirilməsi nəzərdə tutulur.
Aksiyanın növbəti ünvanları iyunun 1-də Sumqayıt şəhər 8 nömrəli tam orta məktəb, iyunun 2-də isə Fəxrəddin Piriyev adına 18 nömrəli tam orta məktəb olacaq.
Xəbərdən istifadə edərkən istinad etmək vacibdir.