Moskvanın Züzin rayon məhkəməsi erməni gizir Valeri Danielyanı 12 il azadlıqdan məhrum edib.
Danielyan Rusiya Müdafiə Nazirliyinə məxsus hərbçilər üçün nəzərdə tutulmuş 150 mənzili mənimsəyib.
Məhkəmə həmçinin giziri 300 min rubl məbləğində cərimələyib. 
Danielyanın cinayət yoldaşları Violetta Fursova səkkiz il, Vera Maslovskaya altı il, İqor Qaniçev altı il və Aleksey Semin beş il həbs cəzası alıb.
Danielyanın mənzilləri mənimsəməkdə günahı tam subut olunub. Müstəntiqlərin bildirdiyinə görə, gizir və onun cinayət yoldaşları dövlətə 1 milyard rubl zərər vurub.
Qeyd edək ki, Valeri Danielyan Azərbaycan SSRİ-də anadan olub.  (anspress.com)